Үйдегі шулы оркестр: музыкалық ойыншықтар

Ата-аналарға арналған ұсынымдар

Қауіпсіздікті бірінші орынға қойыңыз: Музыкалық аспап жасау үшін сынбайтын, өткір қырлары жоқ пластик, картон, ағаш заттарды ғана таңдаңыз.
Аспаптарды бірге жасаңыздар: Бала аспапты өз қолымен жасағанда (мысалы, құтыға бұршақ салғанда), оның қызығушылығы екі есе артады.
Ырғақпен ойнауды үйретіңіз: Басында балаға жай ғана шулауға мүмкіндік беріңіз. Содан кейін белгілі бір әуенді қосып, «қатты-ақырын» немесе «тез-баяу» ойнауды көрсетіңіз.
Ойын түрінде ұйымдастырыңыз: Бала оркестрдің жетекшісі (дирижер) болсын. Сіз оның қолының қозғалысына қарап, аспапта ойнауыңыз керек.
Қолдан аспап жасау идеялары мен үлгілері 

• Маракастар мен сылдырмақтар: Пластик бөтелкелерге, йогурт құтыларына немесе қағаз стақандарға күріш, бұршақ, қарақұмық немесе ұсақ моншақтарды салып, аузын тығыз жауып тастаңыз. Әртүрлі жарма әртүрлі дыбыс (жуан, жіңішке, сыбдыр) шығарады.
  
  
  
  
• Қолдан жасалған барабандар: Бос кастрөлдер, темір немесе пластик шелектер, печенье қораптары тамаша барабан бола алады. Таяқша ретінде ағаш қасықтарды, қарындаштарды қолдануға болады.
• Гитара (Сыртылдақ): Қатты картон қорапшаға бірнеше кеңсе резеңкесін кигізіп қойыңыз. Резеңкелерді тартқанда өзіндік ерекше әуен шығады.
• Ағаш қасықтар: Үйдегі екі ағаш қасықты бір-біріне соғу арқылы ұлттық ырғақтарды қайталауға болады.